ပညာရေးစနစ်ပြုပြင်ပြောင်းလဲရေးနိုင်ငံလုံးဆိုင်ရာကွန်ရက် NNER နှင့် တက္ကသိုလ်ဆရာဆရာများအသင်းတို့ ပူးပေါင်းကျင်းပသည့် ပညာရေးဟောပြောဆွေးနွေးပွဲကို ၂၀၁၈ ဇွန်လ ၂၃ ရက်နေ့တွင် အင်းစိန်မြို့ ရန်ကုန်မျက်မမြင်ကျောင်း၌ ကျင်းပပြုလုပ်ခဲ့ပါသည်။ မြန်မာနိုင်ငံ ဒီမိုကရေစီပညာရေး ပြုပြင်ပြောင်းလဲရေးတွင် ဆရာသမဂ္ဂများ၏ အခန်းကဏ္ဍ ဟူသည့်ခေါင်းစဉ်ဖြင့် ပြုလုပ်ခြင်းဖြစ်ပါသည်။ နံနက်ပိုင်းတွင် တက္ကသိုလ်ပဋိဉာဉ်(မူကြမ်း)များအပေါ် သုတေသနလေ့လာဆန်းစစ်ချက်များကို တင်ပြခဲ့ကြပါသည်။ နေ့လည်ပိုင်းတွင် ဒီမိုကရေစီပညာရေးပြုပြင်ပြောင်းလဲရေးတွင် ဆရာသမဂ္ဂများ၏ အခန်းကဏ္ဍနှင့်ပတ်သက်၍ နိုင်ငံတကာအတွေ့အကြုံနှင့် မြန်မာနိုင်ငံအခြေအနေများကို ဟောပြောဆွေးနွေးပေးခဲ့ကြပါသည်။
