၁၉၉၀ ပြည်သူ့လွှတ်တော်ကိုယ်စားလှယ်များအဖွဲ့နှင့် မိတ်ဖက်နိုင်ငံရေးအင်အားစုများညီလာခံကို ၂၀၁၈ သြဂုတ်လ ၇ ရက်နေ့လည်ပိုင်းတွင် ရန်ကုန်မြို့၊ ယုဒဿန်ခန်းမ၌ ကျင်းပပြုလုပ်ခဲ့ပါသည်။ ညီလာခံတွင် ၁၉၉၀ ပြည်သူ့လွှတ်တော်ကိုယ်စားလှယ်များအဖွဲ့၏ ကြေညာချက်တစ်စောင်ကိုလည်း ထုတ်ပြန်ခဲ့ပါသည်။ ၁၉၉၀ ပြည်သူ့လွှတ်တော်ကိုယ်စားလှယ်များ၊ UNDO အဖွဲ့ဝင်များ၊ လူ့ဘောင်သစ်ဒီမိုကရက်တစ်ပါတီ၊ UNA အဖွဲ့ဝင်နိုင်ငံရေးပါတီများ၊ ၇၄-၇၅-၇၆ နိုင်ငံရေးအင်အားစု၊ ကျွန်းပြန်နိုင်ငံရေးအင်အားစု၊ ပြည်ထောင်စုတိုင်းရင်းသားတောင်သူလယ်သမားသမဂ္ဂ၊ ဒီမိုကရေစီနှင့်ငြိမ်းချမ်းရေးအမျိုးသမီးအဖွဲ့၊ ဆရာကြီးသခင်ကိုယ်တော်မှိုင်းငြိမ်းချမ်းရေးကွန်ရက်၊ ဆရာကြီးသခင်ကိုယ်တော်မှိုင်း ဂူဗိမာန်စောင့်ရှောက်ရေးအဖွဲ့၊ နိုင်ငံရေးအကျဉ်းသားဟောင်းများအဖွဲ့ အစရှိသည့် မိတ်ဖက်အဖွဲ့အစည်းများ ညီလာခံတက်ရောက်ခဲ့ကြပါသည်။
