လူ့ဘောင်သစ်ဒီမိုကရက်တစ်ပါတီ၊ ၇၄-၇၅-၇၆ နိုင်ငံရေးအင်အားစု၊ ဆရာကြီးသခင်ကိုယ်တော်မှိုင်းငြိမ်းချမ်းရေးကွန်ရက်တို့မှ တာဝန်ရှိသူများ သွားရောက်ဝန်းရံ အားပေးခဲ့ကြပါသည်။ စက်ရုံအလုပ်သမားသမဂ္ဂခေါင်းဆောင် ၃၀ ဦးအား အကြောင်းပြချက်ခိုင်လုံခြင်းမရှိဘဲ ဥပဒေနှင့်ဆန့်ကျင်၍ အလုပ်ထုတ်ပစ်ခဲ့သည့်အတွက် အလုပ်သမား ၂၀ဝ ကျော်က သပိတ်မှောက်နေကြခြင်းဖြစ်သည်။ ယနေ့ (၂၀၁၈၊ သြဂုတ်လ ၂၈ ရက်နေ့)တွင် သပိတ်မှောက်နေသည်မှာ ၈ ရက်မြောက်ရှိပြီဖြစ်သည်။ အလုပ်သမားများအနေဖြင့် အလုပ်ရပ်စဲသည့် ကြေညာစာကို ပြန်လည်ရုပ်သိမ်းရန် အပါအဝင် အချက် ၉ ချက် တောင်းဆိုထားပြီး အလုပ်ရှင်ဘက်မှ ပြေလည်အောင် ညှိနှိုင်းပေးခြင်းမရှိဘဲဖြစ်နေကြောင်း သိရပါသည်။
