နိုင်ငံလုံးဆိုင်ရာရွှေဝါရောင်တော်လှန်ရေး (၁၁)နှစ်မြောက် နှစ်ပတ်လည်အခမ်းအနား ကျင်းပနိုင်ရေး ပထမအကြိမ်ညှိနှိုင်းအစည်းအဝေးကို ၂၀၁၈၊ သြဂုတ်လ၊ ၂၇ ရက်နေ့လည်ပိုင်းတွင် သင်္ဃန်းကျွန်းမြို့နယ်ရှိ ရွှေသိမ်ဓမ္မသိင်္ဂီကျောင်းတိုက်၌ ပြုလုပ်ခဲ့ပါသည်။ ရွှေဝါရောင်သံဃာတော်များ၊ လူ့ဘောင်သစ်ဒီမိုကရက်တစ်ပါတီ၊ ဆရာကြီးသခင်ကိုယ်တော်မှိုင်းငြိမ်းချမ်းရေးကွန်ရက်၊ နိုင်ငံရေးအကျဉ်းသားဟောင်းများအဖွဲ့၊ ၁၉၉၀ လွှတ်တော်ကိုယ်စားလှယ်များအဖွဲ့၊ UNDO၊ ဒီမိုကရေစီနှင့်ငြိမ်းချမ်းရေးအမျိုးသမီးအဖွဲ့၊ 141+၊ နိုင်ငံရေးအကျဉ်းသားဟောင်းများအဖွဲ့ချုပ် စသည့်အဖွဲ့အစည်းများမှ တာဝန်ရှိသူများ အစည်းအဝေးတက်ရောက်ခဲ့ကြပြီး အခမ်းအနားကျင်းပနိုင်ရေးအတွက် ဆွေးနွေးညှိနှိုင်းခဲ့ကြပါသည်။
