SocDem’ Asia အစီအစဉ်အရ လူ့ဘောင်သစ်ဒီမိုကရက်တစ်ပါတီနှင့် ရှမ်းတိုင်းရင်းသားများဒီမိုကရေစီအဖွဲ့ချုပ်တို့၏ မူဝါဒရေးဆွဲရေး ပူးတွဲလုပ်ငန်းစဉ်အား အကောင်အထည်ဖော်သည့် အလုပ်ရုံဆွေးနွေးပွဲ(ပထမနေ့)ကို ၂၅- ၄- ၁၇ ရက်နေ့တွင် ရှမ်းပြည်နယ်၊ တောင်ကြီးမြို့၌ ပြုလုပ်ခဲ့ပါသည်။ ဆွေးနွေးပွဲသို့ SocDem’ Asia၊ ရှမ်းတိုင်းရင်းသားများဒီမိုကရေစီအဖွဲ့ချုပ်၊ လူ့ဘောင်သစ်ဒီမိုကရက်တစ်ပါတီတို့မှ တာဝန်ရှိသူများ၊ လူ့ဘောင်သစ်လူငယ်များ၊ တောင်ကြီးဒေသခံလူငယ်အဖွဲ့အစည်းများမှ ခေါင်းဆောင်များ တက်ရောက်ခဲ့ကြပါသည်။ ဆွေးနွေးပွဲတက်ရောက်လာသူများက ဖွဲ့စည်းပုံပြင်ဆင်ရေး/အသစ်ရေးဆွဲရေး၊ ငြိမ်းချမ်းရေးတို့နှင့် ပတ်သက်သော မူဝါဒလုပ်ငန်းစဉ်များ ရေးဆွဲအကောင်အထည်ဖော်နိုင်ရန်အတွက် အကြံဉာဏ်များ၊ အမြင်သဘောထားများကို ဆွေးနွေးဖလှယ်ခဲ့ကြပါသည်။
