လူ့ဘောင်သစ်ဒီမိုကရက်တစ်ပါတီ ဗဟိုစည်းရုံးရေးကော်မတီဝင် ဦးတိုးတိုးထွန်းနှင့် လူ့ဘောင်သစ်လူငယ်ဗဟိုလုပ်ငန်းကော်မတီဝင်များသည် ဧရာဝတီတိုင်းဒေသကြီး၊ ဟင်္သာတခရိုင်၊ ရေကြည်မြို့နယ်ရှိ လူ့ဘောင်သစ်ဒီမိုကရက်တစ်ပါတီဝင်များ၊ ဧရာဝတီတိုင်း လုပ်ငန်းကော်မတီဝင်များနှင့် ၂၀၁၇၊ ဇူလိုင်လ ၉ ရက်နေ့တွင် အစည်းအဝေးကျင်းပခဲ့ပါသည်။ အစည်းအဝေးတွင် ဌာနချုပ်ရဲဘော်များက လက်ရှိနိုင်ငံရေးအခြေအနေများ၊ ဆောင်ရွက်လျက်ရှိသည့် ကိစ္စရပ်များ၊ ၂၀၁၇ အတွင်း ဆောင်ရွက်မည့် ပါတီလုပ်ငန်းစဉ်များ၊ လူ့ဘောင်သစ်လူငယ်၏ မူဝါဒနှင့် လုပ်ငန်းစဉ်များကို ရှင်းလင်းတင်ပြခဲ့ကြပါသည်။ ဧရာဝတီတိုင်းရဲဘော်များကလည်း ဒေသအခြေအနေများကို ပြန်လည်တင်ပြခဲ့ကြပြီး ဒေသဆိုင်ရာလုပ်ငန်းစဉ်များကို ဆွေးနွေးခဲ့ကြပါသည်။
