RFA နေ့လယ်ခင်းသတင်း
——————————-
” နိုင်ငံသားများနှင့်ပတ်သက်လျှင် တာဝန်သိသိ တာဝန်ရှိရှိ ဆောင်ရွက်နိုင်မှသာ နိုင်ငံတော်အတွက် ဂုဏ်သိက္ခာရှိပါလိမ့်မည် “
လွန်ခဲ့သည့် နိုဝင်ဘာလဆန်းတွင် ဂမ်ဘီယာနိုင်ငံက နိုင်ငံချင်းချင်း စွဲဆိုနိုင်သည့် “လူမျိုးတုန်းသတ်ဖြတ်ခြင်းဆိုင်ရာ သဘောတူညီချက် ဖောက်ဖျက်မှု” ဖြင့် အပြည်ပြည်ဆိုင်ရာတရားရုံး၌ မြန်မာနိုင်ငံကို စွဲချက်တင်လိုက်ကြောင်း ကြားသိရပါသည်။
အဆိုပါအမှုကို တရားရင်ဆိုင်ရန် နယ်သာလန်ရှိ အပြည်ပြည်ဆိုင်ရာတရားရုံးတွင် လာမည့် ဒီဇင်ဘာလ ၁၀၊ ၁၁၊ ၁၂ ရက်နေ့များတွင် မြန်မာနိုင်ငံက သွားရောက်စစ်ဆေးခံရမည်ဖြစ်ကြောင်း ကြားသိရပါသည်။ မိမိတို့မြန်မာနိုင်ငံမှ တာဝန်ရှိသူတစ်ဦးအဖြစ် နိုင်ငံတော်အတိုင်ပင်ခံပုဂ္ဂိုလ်က သွားရောက်စစ်ဆေးခံ၊ တရားရင်ဆိုင်မည်ဟုလည်း သိရပါသည်။ ထူးထူးခြားခြားဆိုသကဲ့သို့ နိုင်ငံနှင့် နိုင်ငံသားတို့၏ ဂုဏ်သိက္ခာထိခိုက်ရမှုအတွက် တာဝန်ရှိသည်အတိုင်း သွားရောက်စစ်ဆေးခံ အမှုရင်ဆိုင်မည့်သူအား ချီးကျူး၊ ချီးမွမ်းမှုများလည်း ကြားနေရပါသည်။ မည်သို့ဆိုစေ အပြည်ပြည်ဆိုင်ရာတရားရုံး၏ စည်းကမ်းအရ အမှုကို လက်ခံရင်ဆိုင်သူသည် တရားရုံး၏ ဆုံးဖြတ်ချက်ကို လိုက်နာရလိမ့်မည်ဟု သိရှိရပါသည်။
ရိုးရှင်းစွာပင် မိမိတို့နိုင်ငံ၊ မိမိတို့နိုင်ငံသားများ၏ ဂုဏ်သိက္ခာနှင့် ပုံရိပ်မှာ ကမ္ဘာ့အလယ်၌ အရှက်တကွဲ ကျဆင်းခဲ့ကြရပြီဖြစ်သည်။ အဆိုပါ စွပ်စွဲချက်၏ ရည်ညွှန်းကာလ၊ ရည်ညွှန်းဖြစ်ရပ်တို့မှာ ၂၀၁၇ ခုနှစ်အတွင်း ရခိုင်ပြည် ဒေသအနှံ့အပြား (အထူးသဖြင့် ဘူးသီးတောင်၊ မောင်တောဒေသများတွင်) ဖြစ်ပွားခဲ့သည့် စိတ်မချမ်းမြေ့ဘွယ်ဖြစ်ရပ်များအပေါ် အခြေခံပါသည်။ ထိုစဉ်က မိမိတို့ပါတီအနေဖြင့် ပွင့်လင်းမြင်သာသော ဆောင်ရွက်မှုများရှိရန် လိုအပ်ခြင်း၊ ဒေသခံပြည်သူများနှင့်ရော နိုင်ငံတကာအသိုင်းအဝိုင်းနှင့်ပါ နားလည်မှုရှိရှိ ပူးပေါင်းဆောင်ရွက်ရန်လိုအပ်ခြင်း၊ တိုင်းပြည်နှင့် ပြည်သူများ၏ ဂုဏ်သိက္ခာ ကျဆင်းဘွယ်ရာဖြစ်နေခြင်း စသည့်အချက်များအား သဘောထားထုတ်ပြန်ချက် ၆/၂၀၁၇ ဖြင့် ထောက်ပြခဲ့ပါသည်။
ထိုစဉ် ၂၀၁၇ ခုနှစ်ကာလဖြစ်စေ၊ ယနေ့ ICJ တွင် တရားစွဲဆိုခံရသည့်ကာလဖြစ်စေ မိမိတို့ နိုင်ငံသားပြည်သူများမှာ လူမျိုးတုန်းသတ်ဖြတ်မှုများ အမှန်တကယ်ဖြစ်ခဲ့ခြင်း – မဖြစ်ခဲ့ခြင်းနှင့်ပတ်သက်၍ မိမိတို့ လူမျိုးစုံ မြန်မာပြည်သူလူထုကြီး အနေဖြင့် သိရှိစစ်ဆေးနိုင်လောက်သည့် တိကျသော သတင်းအချက်အလက်များ ရနိုင်ခြင်းမရှိချေ။ သတင်းသမားများပင် ဖမ်းဆီး အပြစ်ပေးခံနေကြရသည့် အခြေအနေဖြစ်ရာ နိုင်ငံတကာအဝန်းအဝိုင်းနှင့် သတင်းမီဒီယာများ၏ ဖော်ပြချက်များမှာ အစိုးရနှင့် တပ်မတော်တို့၏ ထုတ်ပြန်ချက်များနှင့် ကွဲလွဲကြောင်းမျှလောက်သာ သိရှိကြရသည့်အနေအထား ဖြစ်သည်။
ထို့ကြောင့် ယခုကဲ့သို့ နိုင်ငံတကာတရားရုံးတွင် စွဲချက်တင်ခံရခြင်း ကိစ္စရပ်အတွက် အစ-အဆုံး သိရှိလျက် လက်တွေ့ကြပ်မတ် ညွှန်ကြားခဲ့သော အာဏာလက်ရှိအစိုးရနှင့် မြေပြင်တွင် လုံခြုံရေး၊ နယ်မြေရှင်းလင်းရေးတာဝန်များ တိုက်ရိုက် ထမ်းဆောင်ခဲ့သည့် တပ်မတော်ခေါင်းဆောင်အဆင့်ဆင့်သည်သာ တာဝန်အရှိဆုံးဟု ထောက်ပြလိုပါသည်။ တာဝန်ရှိသည်အတိုင်း သွားရောက်စစ်ဆေးခံ အမှုရင်ဆိုင်ရခြင်းသည် ရှောင်လွှဲမရသည့် အဖြစ်အပျက်ဟုပင် သုံးသပ်မိပါသည်။ ထိုသို့ အမှုရင်ဆိုင်ကြရာ၌လည်း တရားလို-တရားပြိုင် ဟူသော ချဉ်းကပ်မှုမျိုးထက်၊ အမှန်တရားနှင့် လူမှုတရားမျှတမှုအတွက် နိုင်ငံချင်းချင်း ပူးပေါင်းဆောင်ရွက်လိုခြင်း အခြေခံဖြင့် ချဉ်းကပ်သင့်ကြောင်းကိုလည်း အကြံပြုတိုက်တွန်းလိုပါသည်။ သို့မှသာ နားလည်မှုများစွာ ကွာလှမ်းခဲ့ရသည့် နိုင်ငံတကာနှင့် ဆက်ဆံရေးအနေအထားအား ပြန်လည် အဖတ်ဆည်နိုင်လိမ့်မည် ဖြစ်ပါသည်။
ထိုမျှမက မိမိတို့ တစုံတရာမျှ မသိရှိ၊ မကျူးလွန်ကြရပါဘဲ ကျွန်ဝယ်ရာ အဆစ်ပါလျက် ဂုဏ်သိက္ခာ ထိခိုက်ကျဆင်း နေကြရသည့် နိုင်ငံသားပြည်သူတစ်ရပ်လုံးအားလည်း တာဝန်ရှိသူအသီးသီးက ဝန်ချ၊ တောင်းပန်ရန် တာဝန်ရှိသည့်အကြောင်း ထောက်ပြတိုက်တွန်းလိုပါသည်။
အဆုံးသတ်အားဖြင့် မြန်မာနိုင်ငံအနေဖြင့် မိမိသဘောတူ ထောက်ခံ လက်မှတ်ရေးထိုးထားသော ဂျီနီဗာသဘောတူညီချက်များ၊ အပြည်ပြည်ဆိုင်ရာ လူ့အခွင့်အရေးကြေညာစာတမ်းပါ စံချိန်စံညွှန်းများ၊ မျိုးတုန်းသတ်ဖြတ်မှုဆန့်ကျင်ရေး သဘောတူညီချက်များ စသည်တို့အပေါ် လေးစားလိုက်နာရန် တာဝန်ရှိသည်ဆိုသည့်အချက်ကို ယခုအမှုအား ရင်ဆိုင်လျှောက်လဲမည့် တာဝန်ရှိအစိုးရ၏ ကိုယ်စားလှယ်အနေဖြင့် လေးလေးနက်နက် ဂရုပြုသင့်ပါကြောင်း အလေးအနက် တင်ပြနှိုးဆော်အပ်ပါသည်။
လူ့ဘောင်သစ်ဒီမိုကရက်တစ်ပါတီ (ဌာနချုပ်)
၂၀၁၉ ခုနှစ်၊ ဒီဇင်ဘာလ (၁) ရက်။
DPNS’ Political Views and Stand on recent news regarding Myanmar’s response to the lawsuit on Genocide [Political Commentary 9/ 2019]
“ Transparency and Accountability will save the Country’s Image and Dignity ”
DPNS has learnt that in early November, 2019 the Government of The Gambia brought a lawsuit against Myanmar regarding the violation of the genocide agreement at International Court of Justice. The Myanmar government has to defend this case at the International Court of Justice (ICJ) which is situated in Hague, the Netherlands.
Surprisingly, we have been witnessing people applauding for the decision of the Myanmar government to appoint the State Counselor as the representative to defend this case. However, Myanmar is obliged to and has the responsibility to face a lawsuit brought to the International Court of Justice.
Basically, the dignity and image of our country and its citizens in the international community has fallen to the ground. This lawsuit against Myanmar is related to the sad events what have happened in Arakan state, particularly Maung Taw and Butheedaung regions in 2017. In September, 2017, DPNS had expressed its concerns for the necessity of transparency, of cooperation with local and international community for building understanding and trust. We have cautioned of the possibility of hurting the country’s image and its citizens’ dignity since the DPNS statement (September; 6/2017)
The people of Myanmar including ourselves have never had access to accurate information regarding with the situation in Northern Arakan state since 2017 until now. In this situation, even reporters who sought information were restricted from reporting and some detained. We were also aware that the information released in the international media differed significantly from the information released by the State and the Tatmadaw. It is therefore very difficult for us to assess whether these tragic events were genocide or not.
Therefore, we would like to stress that the most responsible persons and organizations are those who know the ground information. They are the government which gave the instructions and the Tatmadaw and its officers which followed the orders from above and carried out the security measures on the ground. Since they are responsible, it should be they that defend the lawsuit. It is the responsibility of the country. We would like to suggest that those who will defend the lawsuits, as the representatives of the country should cooperate with the international community for the cause of truth and justice rather than defending themselves. The country will also regain the trust of the international community.
We also would like to urge the responsible persons and institutions to apologize to their people who have lost their dignity and image in international community without their consent or without knowing anything regarding the sad events which has brought entire nation before the International Court of Justice.
In conclusion, we would like to remind the representative of the country who will defend the lawsuit that Myanmar is responsible for international treaties which it has signed including the Genocide Convention (1957); the Geneva Convention, and UN Human Rights charter.
Democratic Party for a New Society (H.Q)
2019, December 1.
