Category: ပါတီလှုပ်ရှားမှုများ

ဇွန်၊ ၁၈၊ ၂၀၁၉။ စစ်တွေမြို့။ “ရခိုင်အရေးသည် ပြည်ထောင်စုအရေးဖြစ်သည်” ခေါင်းစဉ်ဖြင့် ငြိမ်းချမ်းရေးစကားဝိုင်းကို ၂၀၁၉၊ ဖေဖော်ဝါရီလ ၇ ရက်နေ့တွင်လည်းကောင်း၊ “စစ်ပွဲများ ချက်ချင်းရပ်၊ နိုင်ငံရေးအရ ဆွေးနွေးအဖြေရှာ” ခေါင်းစဉ်ဖြင့် နိုင်ငံရေးစကားဝိုင်းကို ၂၀၁၉၊ ဇွန်လ ၂ ရက်နေ့တွင်လည်းကောင်း ရန်ကုန်မြို့တွင် ကျင်းပပြုလုပ်ခဲ့ပါသည်။ ၎င်းဆွေးနွေးပွဲများ၏ နောက်ဆက်တွဲလှုပ်ရှားမှုအဖြစ် ရခိုင်ဒီမိုကရေစီအဖွဲ့ချုပ်(ALD)၊ စည်းလုံးညီညွတ်သော တိုင်းရင်းသားလူမျိုးများမဟာမိတ်(UNA)၊ ညီညွတ်သော အမျိုးသားဒီမိုကရေစီအဖွဲ့(UNDO)၊ ဆရာကြီးသခင်ကိုယ်တော်မှိုင်း ငြိမ်းချမ်းရေးကွန်ရက်၊ ၁၉၇၄-၇၅-၇၆ နိုင်ငံရေး အင်အားစု၊ လူ့ဘောင်သစ်ဒီမိုကရစ်တစ်ပါတီ(DPNS)၊ လူ့ဘောင်သစ်လူငယ်(YNS)၊ မြန်မာနိုင်ငံ ကျောင်းသားလူငယ်များ ကွန်ဂရက်(SYCB)၊ ဗမာနိုင်ငံလုံးဆိုင်ရာ ကျောင်းသားသမဂ္ဂမျာအဖွဲ့ချုပ်တို့မှ ကိုယ်စားလှယ် ၁၄ ဦး ပါဝင်သည့်အဖွဲ့သည် ဇွန်လ ၁၇ ရက်နေ့မှ ၂၁ ရက်နေ့အထိ ရခိုင်ပြည်နယ်လေ့လာရေးခရီးစဉ်ကို သွားရောက်ခဲ့ကြပါသည်။ လေ့လာရေးအဖွဲ့သည် […]

မန္တလေးတိုင်းဒေသကြီး ကော်မရှင်အဖွဲ့ခွဲနှင့် နိုင်ငံရေးပါတီများအကြား တွေ့ဆုံညှိနှိုင်းဆွေးနွေးပွဲကို ၂၀၁၉၊ ဇွန်လ ၁၂ ရက်နေ့တွင် Hilton Mandalay ဟိုတယ်၌ ကျင်းပခဲ့ပါသည်။ ရွေးကောက်ပွဲကော်မရှင်၊ DIPD နှင့် EU တို့၏ ပူးပေါင်းဆောင်ရွက်မှုဖြင့် ပထမအကြိမ်အဖြစ် ပြုလုပ်ခြင်းဖြစ်သည်။ ၎င်းဆွေးနွေးပွဲသို့ လူ့ဘောင်သစ်ဒီမိုကရက်တစ်ပါတီ ဗဟိုကော်မတီဝင် ဦးသန့်စင်နှင့် မန္တလေးတိုင်း စည်းရုံးရေးကော်မတီဝင် ဦးဇော်ဝင်းတို့ တက်ရောက်ဆွေးနွေးခဲ့ကြပါသည်။

(၉၊ ၆၊ ၂၀၁၉။ ရန်ကုန်။) ပြည်သူ့စာဆို ဆရာဗန်းမော်တင်အောင် ရာပြည့်အကြို အခမ်းအနားကို ၂၀၁၉၊ ဇွန်လ၊ ၉ ရက်နေ့က ရန်ကုန်မြို့၊ စာပေဗိမာန်ခန်းမ၌ ကျင်းပခဲ့ပါသည်။ ဆရာဗန်းမော်တင်အောင် ရာပြည့်အခမ်းအနားကျင်းပရေးကော်မတီက စီစဉ်ပြုလုပ်ခြင်းဖြစ်သည်။ ဆရာဗန်းမော်တင်အောင်၏ မိသားစုဝင်များ၊ စာပေနှင့်နိုင်ငံရေးနယ်ပယ်မှ ပုဂ္ဂိုလ်များ၊ ဆရာ့အား ချစ်ခင်လေးစားကြသူများ၊ လူ့ဘောင်သစ်ဒီမိုကရက်တစ်ပါတီခေါင်းဆောင်များ၊ လူ့ဘောင်သစ်လူငယ်များ အခမ်းအနားတက်ရောက်ခဲ့ကြပါသည်။ အခမ်းအနားတွင် ခရစ်ယာန်သင်းအုပ်ဆရာတော် ဦးကျော်ညွန့်၊ ကိုကိုးကျွန်းပြန်နိုင်ငံရေး ရဲဘော်များကိုယ်စား ဦးကျော်စိုး၊ ဗန်းမော်တင်အောင်ရာပြည့်အခမ်းအနား ကျင်းပရေးကော်မတီကိုယ်စား ဆရာကိုလေးမြတ်၊ ရာပြည့်အထိမ်းအမှတ် ဗိမာန်ဆောက်လုပ်ရေးကော်မတီကိုယ်စား ကိုရန်ပိုင်စိုး၊ သားဖြစ်သူ ဦးဗဟိန်းအောင်တို့က ဂုဏ်ပြုအမှတ်တရစကား ပြောကြားခဲ့ကြသည်။ ဆရာဦးအံ့မောင်၏ ကဗျာကို ဆရာမိုဃ်းဇော်က ရွတ်ဆိုဂုဏ်ပြုခဲ့ပါသည်။ဆရာဗန်းမော်တင်အောင်သည် ဂျပန်တော်လှန်ရေးကာလမှစတင်၍ မြန်မာ့လွတ်လပ်ရေး၊ ဖက်ဆစ်နယ်ချဲ့ဆန့်ကျင်ရေးတိုက်ပွဲများတွင် ပါဝင်ခဲ့ပြီး ငြိမ်းချမ်းရေး၊ ဒီမိုကရေစီရေးအတွက် စာပေလက်နက်ဖြင့် ဆက်လက်တိုက်ပွဲဝင်ခဲ့သူ […]

သြစတြေးလျနိုင်ငံ၊ ကဲန်းမြို့တွင် သြစတြေးလျလေဘာပါတီက အိမ်ရှင်အဖြစ် ကြီးမှူးပြုလုပ်သော အမျိုးသမီးကိုယ်စားလှယ်လောင်းများဆိုင်ရာသင်တန်းကို ၂၀၁၉၊ ဇွန်လ ၆ ရက်မှ ၇ ရက်နေ့အထိ နှစ်ရက်တာ ကျင်းပပြုလုပ်ခဲ့ပါသည်။ သင်တန်းအစီအစဉ်သို့ လူ့ဘောင်သစ်ဒီမိုကရက်တစ်ပါတီမှ ဒု ဥက္ကဋ္ဌ ဒေါ်နိုးနိုးထက်စံ၊ ရှမ်းတိုင်းရင်းသားများဒီမိုကရေစီအဖွဲ့ချုပ်မှ ပြည်သူ့လွှတ်တော်ကိုယ်စားလှယ် နန်းခင်စော ရှမ်းပြည်နယ်လွှတ်တော်ကိုယ်စားလှယ် နန်းစမ်းစမ်းအေးတို့ တက်ရောက်ခဲ့ကြပါသည်။ ထိုသင်တန်းတွင် ပြည်သူ့ လွှတ်တော်ကိုယ်စားလှယ် နန်းခင်စောက ရွေးကောက်ပွဲအတွေ့အကြုံများအားလည်းကောင်း၊ ရှမ်းပြည်နယ် လွှတ်တော်ကိုယ်စားလှယ် နန်းစမ်းစမ်းအေးက “ခေါင်းဆောင်မှုအခန်းကဏ္ဍနှင့် တာဝန်ဝတ္တရားများ” ခေါင်းစဉ်ဖြင့် လည်းကောင်း၊ လူ့ဘောင်သစ်ဒီမိုကရက်တစ်ပါတီ ဒု-ဥက္ကဋ္ဌ ဒေါ်နိုးနိုးထက်စံက Empowering Women- what more can we? ခေါင်းစဉ်ဖြင့်လည်းကောင်း အမျိုးသမီးကိုယ်စားလှယ်လောင်းဆိုင်ရာ အမြင်သဘောထားများအား တင်ပြ ဆွေးနွေးခဲ့ကြပါသည်။ သင်တန်းသို့ သြစတြေးလျ လေဘာပါတီ နှင့် […]

၄၅ နှစ်မြောက် မဆလ စစ်အာဏာရှင်ဆန့်ကျင်ရေး ၇၄-၇၅-၇၆ အလုပ်သမားအရေးအခင်းနှင့် ကျောင်းသားလှုပ်ရှားမှု နှစ်ပတ်လည်အထိမ်းအမှတ် အခမ်းအနားကို ဇွန်လ ၆ ရက်နေ့ နံနက်ပိုင်းက တောင်ဥက္ကလာပ စိတ်တိုင်းကျ စားသောက်ဆိုင်၌ ပြုလုပ်ခဲ့ပါသည်။ အခမ်းအနားသို့ လူ့ဘောင်သစ်ဒီမိုကရက်တစ်ပါတီ၊ ဆရာကြီးသခင်ကိုယ်တော်မှိုင်း ငြိမ်းချမ်းရေးကွန်ရက်၊ ကိုကိုးကျွန်းပြန်နိုင်ငံရေးရဲဘော်များ၊ ၁၉၇၄-၇၅-၇၆ နိုင်ငံရေးအင်အားစုများ၊ ဗကသများအဖွဲ့ချုပ်၊ အမျိုးသားဒီမိုကရေစီအဖွဲ့ချုပ်၊ ဗမာနိုင်ငံလုံးဆိုင်ရာ အလုပ်သမားသမဂ္ဂများအဖွဲ့ချုပ် အစရှိသည့် အဖွဲ့အစည်းများမှ တာဝန်ရှိသူများ တက်ရောက်ဂုဏ်ပြုခဲ့ကြပါသည်။ ဓာတ်ပုံ- ကိုထွန်းဝင်းငြိမ်း နှင့် ဧရာဝတီသတင်းဌာန

(၆၊ ၆၊ ၂၀၁၈။ ရန်ကုန်) DIPD က စီစဉ်ကျင်းပသည့် ရွေးကောက်ပွဲများတွင် လူမှုကွန်ရက်အား ထိရောက်စွာနှင့် တာဝန်ယူမှုရှိစွာ အသုံးပြုခြင်းဆိုင်ရာ အလုပ်ရုံဆွေးနွေးပွဲကို ၂၀၁၉၊ ဇွန်လ ၆ ရက်မှ ၇ ရက်နေ့အထိ ရန်ကုန်မြို့၊ Green Hill ဟိုတယ်၌ ပြုလုပ်ခဲ့ပါသည်။ ၎င်းဆွေးနွေးပွဲသို့ နိုင်ငံရေးပါတီ ၂၀ ကျော်မှ ကိုယ်စားလှယ်များ တက်ရောက်ခဲ့ကြပြီး လူ့ဘောင်သစ်ဒီမိုကရက်တစ်ပါတီ တွဲဖက်အထွေထွေအတွင်းရေးမှူး(၁) ဒေါ်နှင်းနှင်းမွှေးနှင့် လူ့ဘောင်သစ်လူငယ် ဗဟိုလုပ်ငန်းကော်မတီဝင် မအေးမြတ်သန္တာတို့လည်း တက်ရောက်ခဲ့ကြပါသည်။

သြစတြေးလျနိုင်ငံ လေဘာပါတီ နိုင်ငံတကာဆက်ဆံရေးဌာနက အိမ်ရှင်အဖြစ် လက်ခံကျင်းပသော Asia Pacific Campaign Forum ကို ၂၀၁၉၊ ဇွန်လ၊ ၄ ရက်နေ့မှ ၅ ရက်နေ့အထိ ကဲန်းမြို့တွင် နှစ်ရက်တာကျင်းပခဲ့ပါသည်။ သြစတြေးလျနိုင်ငံ လေဘာပါတီ နိုင်ငံတကာဆက်ဆံရေးဌာနက အိမ်ရှင်အဖြစ် လက်ခံကျင်းပသော Asia Pacific Campaign Forum ကို ၂၀၁၉၊ ဇွန်လ၊ ၄ ရက်နေ့မှ ၅ ရက်နေ့အထိ ကဲန်းမြို့တွင် နှစ်ရက်တာကျင်းပခဲ့ပါသည်။ထိုဆွေးနွေးပွဲသို့ အိန္ဒိယ၊ အရှေ့တီမော၊ ပါပူဝါနယူးဂီနီ၊ နယူးဇီလန်၊ အင်ဒိုနီးရှား၊ သြစတြေးလျနိုင်ငံတို့မှ မိတ်ဖက်နိုင်ငံရေးပါတီများ၊ အလုပ်သမားသမဂ္ဂများ တက်ရောက်ခဲ့ကြပြီး မိမိတို့ အဖွဲ့အစည်းများအား မိတ်ဆက်ခြင်း၊ နိုင်ငံတခုချင်းစီ၏ ရွေးကောက်ပွဲအောင်နိုင်ရေးလှုပ်ရှားမှု အတွေ့အကြုံများအား ဖလှယ်ခြင်း၊ အောင်နိုင်ရေးမဟာဗျူဟာများ စုပေါင်းလေ့လာခြင်းတို့ ပြုလုပ်ခဲ့ပါသည်။၎င်းဖိုရမ်သို့ […]