Category: ပါတီလှုပ်ရှားမှုများ

လူ့ဘောင်သစ်ဒီမိုကရက်တစ်ပါတီ ဗဟိုကော်မတီ၏ ရှစ်လေးလုံးပြည်သူ့အရေးတော်ပုံကြီး (၃၁) နှစ်မြောက် အထိမ်းအမှတ် သဘောထားထုတ်ပြန်ချက်ကို ထုတ်ပြန်လိုက်ပါသည်။

၇၊ ၈၊ ၂၀၁၉။ မန္တလေး။ ပြည်ထောင်စုရွေးကောက်ပွဲကော်မရှင်နှင့် မန္တလေးတိုင်းဒေသကြီးအတွင်းရှိ နိုင်ငံရေးပါတီများ၊ ရွေးကောက်ပွဲကဏ္ဍစုံမှ ပါဝင်ပတ်သက်သူများ တွေ့ဆုံဆွေးနွေးပွဲကို ၂၀၁၉၊ သြဂုတ်လ၊ ၇ ရက်နေ့ နံနက်ပိုင်းတွင် မန္တလေးလွှတ်တော်ရုံးဟောင်း၌ ပြုလုပ်ခဲ့ပါသည်။ဆွေးနွေးပွဲသို့ မန္တလေးတိုင်းအတွင်းရှိ နိုင်ငံရေးပါတီများ၊ လူထုအခြေပြု အရပ်ဖက်အဖွဲ့အစည်းများ တက်ရောက်ခဲ့ကြပြီး ပြည်ထောင်စုရွေးကောက်ပွဲကော်မရှင်က ရွေးကောက်ပွဲမဟာဗျူဟာစီမံကိန်းကို ရှင်းလင်းတင်ပြခဲ့ပါသည်။ ၎င်းဆွေးနွေးပွဲသို့ လူ့ဘောင်သစ်ဒီမိုရက်တစ်ပါတီ ဗဟိုကော်မတီဝင် ဦးသန့်စင်နှင့် အောင်မြေသာစံမြို့နယ်ဥက္ကဋ္ဌ ဦးသန်းထွန်းအောင်တို့ တက်ရောက်ခဲ့ကြပါသည်။ ဆွေးနွေးပွဲတွင် ဦးသန့်စင်က တရားမျှတပြီး ပွင့်လင်းမြင်သာမှုရှိသည့် ရွေးကောက်ပွဲဖြစ်စေချင်ကြောင်း၊ ရွေးကောက်ပွဲအစဉ်ဆက် မဲစာရင်းအမှားများအပါအဝင် အားနည်းမှုများကို ပြုပြင်ပြီး အကောင်းဆုံးပြင်ဆင်နိုင်ရန် ကြိုးစားကြစေချင်ကြောင်း၊ ရွေးကောက်ပွဲအပေါ် မဲဆန္ဒရှင်များ အာရုံစူးစိုက်မှု၊ မဲပေးမှု နည်းပါးလာခြင်းအပေါ် UEC အပါအဝင် ပါတီများ၊ အရပ်ဖက်အဖွဲ့စည်းများ ပူးပေါင်းလှုံ့ဆော်ပေးဖို့ လိုအပ်ကြောင်း၊ ဒေသဆိုင်ရာအားလုံး၏ […]

( ၁၊ သြဂုတ်၊ ၂၀၁၉ နေ့ထုတ် Daily ELEVEN သတင်းစာ ) မန္တလေးတိုင်းဒေသကြီး၊ ပုသိမ်ကြီးမြို့နယ်၊ အောင်သပြေကျေးရွာကိစ္စ အပါအဝင် ကျေးလက်ဒေသ လူထုလှုပ်ရှားမှုများကို ကူညီဝန်းရံရေး ရည်ရွယ်သည့် “ကျေးလက်လူထုလှုပ်ရှားမှု ဝန်းရံရေးကော်မတီ” ကို လူ့ဘောင်သစ်ဒီမိုကရက်တစ်ပါတီ အပါအဝင် နိုင်ငံရေးအင်အားစုများ စုပေါင်းပြီး ဇူလိုင် ၂၈ ရက်က ဖွဲ့စည်းခဲ့ကြောင်း သိရသည်။ ကော်မတီတွင် တောင်သူလယ်သမားအရေး တက်ကြွသူများ၊ ဥပဒေပညာရှင်များဖြင့် ဖွဲ့စည်းထားသည့် အဖွဲ့ရှစ်ဖွဲ့နှင့် နိုင်ငံရေးပါတီတစ်ခုတို့ ပူးပေါင်းဖွဲ့စည်းခြင်းဖြစ်သည်ဟု လူ့ဘောင်သစ်ဒီမိုကရက်တစ်ပါတီ ဗဟိုအလုပ်အမှုဆောင်အဖွင့်ဝင် ဦးငွေလင်းက ပြောကြားသည်။ “စီမံကိန်းများကြောင့်ဖြစ်စေ၊ စီမံကိန်းခန့်ခွဲမှု လွဲမှားခြင်းကြောင့်ဖြစ်စေ ဆုံးရှုံးနစ်နာနေတဲ့ ပြည်သူလူထုကို ကူညီဝန်းရံသွားဖို့ အဓိက ရည်ရွယ်ပါတယ်” ဟု ဦးငွေလင်းက ပြောကြားကြားသည်။ မြန်မာနိုင်ငံလုံးဆိုင်ရာ တောင်သူလယ်သမားများကွန်ရက်၊ ဆရာကြီးသခင်ကိုယ်တော်မှိုင်း […]

၂၀၁၉၊ သြဂုတ်။ ၁။ ရန်ကုန်။ လူ့ဘောင်သစ်ဒီမိုကရက်တစ်ပါတီ စည်းရုံးရေးမှူးသင်တန်း အမှတ်စဉ် ၁/၂၀၁၉ သင်တန်းဆင်းပွဲကို ၂၀၁၉၊ သြဂုတ်၊ ၁ ရက်နေ့တွင် ပါတီဌာနချုပ်ရုံး၌ ပြုလုပ်ခဲ့ပါသည်။ သင်တန်းဆင်းလက်မှတ်များကို ပါတီဒုဥက္ကဋ္ဌနှင့် တွဲဖက်အထွေထွေအတွင်းရေးမှူး(၁)တို့က သင်တန်းသားများအား ပေးအပ်ခဲ့ကြပါသည်။ ပဲခူးတိုင်း၊ ဧရာဝတီတိုင်း၊ မန္တလေးတိုင်း၊ ရှမ်းပြည်နယ်၊ ကချင်ပြည်နယ်တို့မှ ပါတီရဲဘော်များ သင်တန်းတက်ရောက်ခဲ့ကြပါသည်။

၂၆-၂၈၊ ဇူလိုင်၊ ၂၀၁၉။ မနီလာမြို့၊ ဖိလစ်ပိုင်နိုင်ငံ။ SocDem Asia က စီစဉ်သည့် Executive Course 2; Data Analysis and Political Communication သင်တန်းကို ဖိလစ်ပိုင်နိုင်ငံ၊ မနီလာမြို့၌ ၂၀၁၉၊ ဇူလိုင်၊ ၂၆ ရက်နေ့မှ ၂၈ ရက်နေ့အထိ ပြုလုပ်ခဲ့ပါသည်။ ၎င်းသင်တန်းသို့ မလေးရှား၊ အင်ဒိုနီးရှား၊ ဖိလစ်ပိုင်၊ ထိုင်း၊ မြန်မာ၊ တီမော၊ သြစတြေးလျနိုင်ငံတို့မှ SocDem Asia အဖွဲ့ဝင် အဖွဲ့အစည်းများမှ ကိုယ်စားလှယ်များ တက်ရောက်ခဲ့ကြပါသည်။ မြန်မာနိုင်ငံမှ လူ့ဘောင်သစ်ဒီမိုကရက်တစ်ပါတီ တွဲဖက် အထွေထွေအတွင်းရေးမှူး(၂) ဦးတိုးတိုးထွန်း၊ ဦးချာလီတင်ဦးနှင့် ရှမ်းတိုင်းရင်းသားများဒီမိုကရေစီအဖွဲ့ချုပ်မှ ကိုယ်စားလှယ် ၂ ဦးတို့ တက်ရောက်ခဲ့ကြပါသည်။

၂၀၁၉၊ ဇူလိုင်၊ ၂၈။ ရန်ကုန်မြို့ ။ အောင်သပြေကျေးရွာကိစ္စအပါအဝင် ကျေးလက်ဒေသများတွင် ရင်ဆိုင်ကြုံတွေ့နေရသည့် လူထုလှုပ်ရှားမှုများအား ကူညီဝန်းရံနိုင်ရေးအတွက် ညှိနှိုင်းသည့်အစည်းအဝေးကို ၂၀၁၉၊ ဇူလိုင် ၂၈ ရက် နေ့လည်ပိုင်းတွင် UNDO ရုံး၌ ပြုလုပ်ခဲ့ပါသည်။ အစည်းအဝေးသို့ လူ့ဘောင်သစ်ဒီမိုကရက်တစ်ပါတီ၊ ဆရာကြီးသခင်ကိုယ်တော်မှိုင်း ငြိမ်းချမ်းရေးကွန်ရက်၊ ၁၉၇၄-၇၅-၇၆ နိုင်ငံရေးအင်အားစု၊ ဆိုရှယ်ဒီမိုကရက်တစ်ညီညွတ်ရေးတပ်ဦး၊ စစ်မှန်သော ပြည်သူ့ကျေးကျွန်အဖွဲ့၊ ဗမာနိုင်ငံလုံးဆိုင်ရာ တောင်သူလယ်သမားများကွန်ရက်၊ ကရင်အမျိုးသမီးအစည်းအရုံး၊ ဒီမိုကရေစီနှင့် ငြိမ်းချမ်းရေး အမျိုးသမီးအဖွဲ့၊ ညီညွတ်သောအမျိုးသားဒီမိုကရေစီအဖွဲ့၊ အမှန်တရားပေါ်ပေါက်ရေးနှင့် တရားမျှတရေးကော်မတီတို့မှ တာဝန်ရှိသူများ တက်ရောက်ဆွေးနွေးခဲ့ကြပါသည်။အစည်းအဝေး ဆုံးဖြတ်ချက်အရ အောင်သပြေကျေးရွာသားများအပါအဝင် ဆုံးရှုံးနစ်နာနေသော၊ အကာအကွယ် အကူအညီမဲ့နေသော ကျေးလက်လူထုကို ထိထိရောက်ရောက် ကူညီဝန်းရံနိုင်ရေးအတွက် “ကျေးလက်လူထုလှုပ်ရှားမှု ဝန်းရံရေးကော်မတီ” ကို ဖွဲ့စည်းခဲ့ပါသည်။