Category: ပါတီလှုပ်ရှားမှုများ

၇- ၉- ၂၀၁၉။ ရန်ကုန်။ ပုဇွန်တောင်မြို့နယ်ရှိ ရန်ကုန်နိုင်ငံရေးသိပ္ပံကျောင်း (YSPS)၏ အစည်းအဝေးခန်းမတွင် ၇၊၉၊၂၀၁၉ ရက်နေ့ နံနက် ၉း၃၀ နာရီမှ ညနေ ၃း၃၀ နာရီအထိ အလုပ်ရုံဆွေးနွေးပွဲတခုပြုလုပ်ရာ ပါတီမှ ဗဟိုအလုပ်အမှုဆောင်ကော်မတီဝင် ဦးငွေလင်း တက်ရောက်ခဲ့ပါသည်။ဆွေးနွေးပွဲသည် ပြည်သူ့လွှတ်တော်ရွေးကောက်ပွဲဥပဒေ ပဉ္စမအကြိမ် ပြင်ဆင်သည့်ဥပဒေ (မူကြမ်း)၊ အမျိုးသားလွှတ်တော်ရွေးကောက်ပွဲဥပဒေ ပဉ္စမအကြိမ် ပြင်ဆင်သည့်ဥပဒေ (မူကြမ်း)၊ တိုင်းဒေသကြီးနှင့်ပြည်နယ်လွှတ်တော်ရွေးကောက်ပွဲ ဥပဒေ ပဉ္စမအကြိမ် ပြင်ဆင်သည့်ဥပဒေ (မူကြမ်း)တို့ကို လေ့လာကြပြီး မူကြမ်းအတိုင်း ထားသင့်သည်များ၊ ပြင်ဆင်ဖြည့်စွက်လိုသည်များ၊ ဖြုတ်ချပယ်ဖျက်လိုသည်များ၊ သီးခြားအကြံပြု ဖြည့်စွက်လိုသည်များကို ဆွေးနွေးစုစည်းကြခြင်း ဖြစ်ပါသည်။ဆွေးနွေးပွဲကို ရန်ကုန်နိုင်ငံရေးသိပ္ပံကျောင်း (YSPS)က ကမကထပြု ဖိတ်ကြားဆောင်ရွက်ခြင်းဖြစ်ပြီး လူ့ဘောင်သစ်ဒီမိုကရက်တစ်ပါတီ၊ စည်းလုံးညီညွတ်သောတိုင်းရင်းသားလူမျိုးများမဟာမိတ် (UNA) အဖွဲ့ဝင်အဖွဲ့အစည်းများ၊ Myanmar Legal Aid Network(MLAW)၊ […]

[လူ့ဘောင်သစ်ဒီမိုကရက်တစ်ပါတီ၏ နိုင်ငံရေးအမြင်သုံးသပ်ချက် – ၆/၂၀၁၉] စစ်ပွဲတွေ ချက်ချင်းရပ်ပါ၊ ထိုးစစ်၊တိုက်စစ်တွေ ချက်ချင်းရပ်ပါ၊ နိုင်ငံရေးအရ ဆွေးနွေးအဖြေရှာပါလို့ အကြိမ်ကြိမ် တောင်းဆိုခဲ့ကြတယ်။ ရခိုင်ပြည်သူတွေ နေ့စဉ်နဲ့အမျှ ရင်ဆိုင်ခံစားနေရတဲ့ဒုက္ခတွေအတွက် သမ္မတကြီး ကိုယ်တိုင် ကိုင်တွယ်ဆောင်ရွက် ဖြေရှင်းပေးပါလို့ နိုင်ငံရေးပါတီတွေနဲ့ လူထုအခြေပြု အရပ်ဖက်အဖွဲ့အစည်းတွေက အိတ်ဖွင့်ပေးစာ ပေးပို့တောင်းဆိုခဲ့ကြတယ်။ ဒါပေမဲ့ ဘာတုန့်ပြန်မှုမှ မရခဲ့ဘူး။ စစ်ပွဲတွေ ပိုကြမ်းလာတယ်၊ အင်တာနက် လိုင်းတွေ ဖြတ်ပစ်လိုက်တယ်။ စစ်တားဆီးရေးလှုပ်ရှားသူတွေ ဖမ်းဆီးခံရတယ်။ ရခိုင်ပြည်မြောက်ပိုင်းကလူထုတွေ ပိုပြီး ထိခိုက်သေကျေလာပြီး စစ်ဘေးဒုက္ခသည်တွေသာ ပိုပိုပြီး တိုးပွားလာခဲ့တယ်။ တပ်က စစ်ပွဲတွေကို ရခိုင်ပြည်မြောက်ပိုင်းစစ်မျက်နှာမှာ ကြမ်းသည်ထက် ကြမ်းပြလာတာကြောင့် ရှမ်းပြည် မြောက်ပိုင်းစစ်မျက်နှာ စပေါ်လာခဲ့တယ်။ အလားတူပဲ ရှမ်းပြည်မြောက်ပိုင်းမှာလည်း အရပ်သားတွေ ထိခိုက်သေကျေ ဖြစ်ကြရတယ်။ သြဂုတ် ၁၅ […]

၂၀၁၉၊ စက်တင်ဘာ၊ ၂၆။ ရန်ကုန်။ မအူပင် မလက်တိုကျေးရွာအုပ်စုလယ်သမားများ၏ သတင်းစာရှင်းလင်းပွဲကို ရန်ကုန်မြို့ရှိ မြန်မာဂျာနယ်လစ်ကွန်ရက်ရုံးခန်းတွင် စက်တင်ဘာ ၂၆ ရက်နေ့၌ ပြုလုပ်ခဲ့ပါသည်။ ၎င်းဒေသရှိ လယ်ယာမြေများကို ၁၉၉၉ ခုနှစ်တွင် ရေနက်ကွင်းဖော်ထုတ်မည်ဟုဆိုကာ သိမ်းယူခဲ့ပြီး ၂၀ဝ၃၊ ၂၀ဝ၄ တွင် Orchard Company ကို ဧက ၁၀ဝ၀၊ နှစ် ၃၀ လုပ်ကိုင်ခွင့်ဂရံ ထုတ်ပေးခဲ့ကြောင်း၊ သိမ်းဆည်းခံမြေများအနက် ဘိုးဘွားပိုင်ဆိုပြီး ၄၅၀ ဧက ပြန်ရခဲ့ကြောင်း၊ ၅၅ဝ ဧက အသိမ်းခံရသည့် လယ်သမားများအနက် အယောက် ၄၀ တရားစွဲခံနေရပြီး ၁၁ ဦးထောင်ကျခဲ့ကြောင်း၊ သက်ကြီးရွယ်အိုများပါ ပါဝင်ကြောင်း သိရပါသည်။ အသိမ်းခံရသည့် လယ်သမားများလက်ဝယ်ရှိ ပြေစာများကို ကျေးရွာအုပ်ချုပ်ရေးအာဏာပိုင်များက လဲပေးမည်ဟုပြောပြီး သိမ်းယူသွားခဲ့ကြောင်း၊ ယခင်အစိုးရလက်ထက်မှစ၍ […]

၂၀၁၉၊ သြဂုတ်၊ ၃၁။ ပဲခူး။………………………………………………………………………………ပဲခူးမြို့ မေတ္တာစင်တာတွင် ၂၉၊ ၈၊ ၂၀၁၉ မှ ၃၁၊၈၊၂၀၁၉ အထိ ၃ ရက်တိုင် “ လူထုအကျိုးပြုသော လွှတ် တော်ကိုယ်စားလှယ်များ အားကောင်းလာစေရေး” ခေါင်းစဉ်ဖြင့် အလုပ်ရုံဆွေးနွေးပွဲတရပ်ကို ပြုလုပ်ခဲ့ကြပါသည်။ ဆွေးနွေးပွဲကို Burma Monitor၊ ပေါင်းကူးနှင့် ပုံရိပ်တို့က ဦးဆောင် ကမကထပြု ဆောင်ရွက်ခဲ့ကြခြင်းဖြစ်ပြီး တိုင်းနှင့်ပြည်နယ် ၁၄ ခုမှ လွှတ်တော်ကိုယ်စားလှယ်များ၊ နိုင်ငံရေးပါတီများ၊ လူထုလူတန်းစားအဖွဲ့အစည်းများ၊ လူထု အခြေပြုအရပ်ဖက်အဖွဲ့အစည်းများ စုစုပေါင်း ၁၀ဝ ခန့် တက်ရောက်ဆွေးနွေးခဲ့ကြပါသည်။အားကောင်းလာသော၊ လူထုအသံကို ထင်ဟတပ်ဖော်ထုတ် ဆောင်ရွက်ပေးနိုင်သော လွှတ်တော်များ ဖြစ်ထွန်းလာစေရေးအတွက် အဓိကကျသည့် အခြေခံစဉ်းစားချက်များ သိမြင်တိုးပွားလာစေရန် ရည်ရွယ် ဆောင်ရွက်ကြခြင်း ဖြစ်ပါသည်။ပညာရေးကဏ္ဍ၊ ကျန်းမာရေးကဏ္ဍ၊ ဖွံ့ဖြိုးရေးကဏ္ဍ၊ အခြေခံအဆောက်အဦကဏ္ဍ၊ […]

၂၉၊ ၈၊၂၀၁၉။ ချောင်းသာမြို့။………………………………………………………………………………လူ့ဘောင်သစ်ဒီမိုကရက်တစ်ပါတီ ချောင်းသာမြို့ပါတီဝင်ရဲဘော်များနှင့် တွေ့ဆုံပွဲကို ၂၉၊ ၈၊၂၀၁၉ ရက်နေ့ တွင် ချောင်းသာမြို့ ပါတီရုံးခန်း၌ ပြုလုပ်ခဲ့ပါသည်။ တွေ့ဆုံပွဲတွင် ချောင်းသာမြို့ကော်မတီဝင်များ ပါတီဝင်များ ပါတီဗဟိုအလုပ်အမှုဆောင် ဦးစောအောင်နှင့် ပါတီဗဟိုကော်မတီ ဦးမောင်မောင်ကြီးတို့ တက်ရောက်ခဲ့ကြပါသည်။ အစည်းအဝေးတွင် ရပ်ကျေးရုံးခန်းများဖွင့်လှစ်ရန် စီစဉ်ဆောင်ရွက်နေမှု မြေလွတ်မြေရိုင်းများ လျှောက်ထားခြင်း လမ်းတိုးချဲ့ခြင်း စသည့် လူထုအကျိုးပြုလုပ်ငန်းများ ဆောင်ရွက်နေမှု အခြေအနေများ ပါတီလူငယ်ဆိုင်ရာအခြေအနေများကို ဆွေးနွေးခဲ့ကြပါသည်။

၂၀၁၉- သြဂုတ်- ၂၉။ ကွာလာလမ်ပူမြို့။…………………………………………………………………………………၂၀၁၉၊ သြဂုတ်လ၊ ၂၉ ရက်နေ့တွင် မလေးရှားနိုင်ငံ၊ ကွာလာလမ်ပူမြို့၌ ဆိုရှယ်ဒီမိုကရေစီအေရှကွန်ရက်၏ ဆယ်နှစ်မြောက် အထိမ်းအမှတ်အဖြစ် Breaking Through: A Decade of Democratic Struggleand and Victories ကွန်ဖရင့် ကျင်းပခဲ့ပါသည်။ Democratic Action Party မှ အိမ်ရှင်အဖြစ် လက်ခံကျင်းပခဲ့ခြင်းဖြစ်သည်။ ၎င်းကွန်ဖရင့်သို့ လူ့ဘောင်သစ်ဒီမိုကရက်တစ်ပါတီ ဥက္ကဋ္ဌ ဦးအောင်မိုးဇော်နှင့် ဒုဥက္ကဋ္ဌ ဒေါ်နိုးနိုးထက်စံတို့ တက်ရောက်ခဲ့ကြပါသည်။ ထိုဆွေးနွေးပွဲကို ကွန်ရက်၏ ပဲ့ကိုင်ကော်မတီအစည်းအဝေးနှင့် တွဲဖက် ကျင်းပခြင်းဖြစ်ပြီး မြန်မာ၊ မလေးရှား၊ ထိုင်း၊ ဖိလစ်ပိုင်၊ အင်ဒိုနီးရှား၊ အိန္ဒိယ၊ နီပေါ၊ မွန်ဂိုလီးယားတို့မှ အဖွဲ့ဝင်နိုင်ငံရေးပါတီများ၊ ဆွီဒင်၊ ဂျာမဏီ၊ အီတလီနှင့် ဥရောပနိုင်ငံများမှ မိတ်ဖက်အဖွဲ့အစည်းများ […]

၂၂၊ ၈၊ ၂၀၁၉။ မန္တလေး။ မန္တလေးတိုင်းကော်မတီ ဖွဲ့စည်းသည့်အစည်းအဝေးကို ၂၀၁၉၊ သြဂုတ်လ၊ ၂၂ ရက်နေ့တွင် မန္တလေးမြို့၌ ပြုလုပ်ခဲ့ပါသည်။ မန္တလေး၊ ပြင်ဦးလွင်၊ မြင်းခြံ၊ တံတားဦးနှင့် ဌာနချုပ်ရဲဘော်များ အစည်းအဝေးတက်ရောက်ခဲ့ကြပါသည်။ တိုင်းကော်မတီဖွဲ့စည်းရေး ပြင်ဆင်ဆောင်ရွက်ခဲ့ပုံများကို ပါတီအထွေထွေအတွင်းရေးမှူး ဦးသီဟထွဋ်ခင်၊ ဗဟိုအလုပ်အမှုဆောင်ကော်မတီဝင် ဦးငွေလင်းတို့က ရှင်းလင်းတင်ပြခဲ့ပြီး မန္တလေးတိုင်းရဲဘော်များကလည်း လိုအပ်သည်များကို ဖြည့်စွက်ဆွေးနွေးခဲ့ကြပါသည်။ ထို့နောက် အဖွဲ့ဝင် ၁၇ ဦး ပါဝင်သည့် မန္တလေးတိုင်းကော်မတီကို အောင်မြင်စွာ ဖွဲ့စည်းခဲ့ကြပြီး တိုင်းရုံးဖွင့်လှစ်ရေး အသေးစိတ်ဆွေးနွေးခဲ့ကြပါသည်။