Author: DPNS INFORMATION

၂၀၁၆ခုနှစ် မတ်လ ၁၆ရက်၊ ၁၇ ရက်နေ့များတွင် လူ့ဘောင်သစ် ဒီမိုကရက်တစ်ပါတီ ဌာနချုပ်ရုံး၌ တောင်သူလယ်သမားရေးနှင့် မြေယာကိစ္စရပ်များဆိုင်ရာ အလုပ်ရုံဆွေးနွေးပွဲကို ကျင်းပခဲ့ပါသည်။ ဆွေးနွေးပွဲသို့ ပါတီဥက္ကဋ္ဌဦးအောင်မိုးဇော်၊ အထွေထွေအတွင်းရေးမှူး ဦးငွေလင်းနှင့် အတွင်းရေးမှူးအဖွဲ့ဝင်များ၊ ဗဟိုစည်းရုံးရေး ကော်မတီဝင်များ၊ ဒေသအသီးသီးတွင် တောင်သူလယ်သမားအရေး ဆောင်ရွက်နေသည့် ပါတီဝင်ရဲဘော်များနှင့် ဖိလစ်ပိုင်နိုင်ငံမှ Active Citizenship Foundation (ACF) ၏ တာဝန်ရှိသူများ တက်ရောက်ဆွေးနွေးခဲ့ကြပါသည်။ ဆွေးနွေးပွဲတွင် Mrs. Mary Claire နှင့် Mr. Arnold တို့က ဖိလစ်ပိုင်နိုင်ငံ၏ မြေယာသမိုင်းကြောင်း၊ တောင်သူလယ်သမားများနှင့် မြေယာပိုင်ဆိုင်မှု ပြဿနာများ၊ အစိုးရ၏ ဆောင်ရွက်ပေးနိုင်မှု အခြေအနေများ၊ ဥပဒေပါ ပြဋ္ဌာန်းချက်များနှင့် လက်တွေ့ ဆောင်ရွက်ရာတွင် ကြုံတွေ့ရသော အခက်အခဲများကို ရှင်းလင်းတင်ပြခဲ့ပြီး ဆွေးနွေးပွဲတက်ရောက်သူများက […]

၁၀- ၃- ၂၀၁၆ ရက်နေ့ နံနက် ၁၀:၁၀ နာရီက လက်ပံတန်းမြို့ရှိ အောင်မြေဗိမာန်ကျောင်းတိုက်၌ ဒီမိုကရေစီပညာရေး ပင်မသပိတ်စစ်ကြောင်း အကြမ်းဖက်ဖြိုခွဲခံရမှု တစ်နှစ်ပြည့်အခမ်းအနားကို ကျင်းပခဲ့ပါသည်။ အခမ်းအနားသို့ အနယ်နယ် အရပ်ရပ်ရှိ ဗကသများအဖွဲ့ချုပ် အဖွဲ့ဝင်များ၊နိုင်ငံရေးပါတီများ၊ လူမှုအခြေပြုအဖွဲ့အစည်းများနှင့် ဝန်းရံပြည်သူများ တက်ရောက်ခဲ့ကြသည်။ ပါတီသည် အမျိုးသားပညာရေးဥပဒေတရပ် အခိုင်အမာ ထွက်ပေါ်လာရေး လှုပ်ရှားမှု တလျောက်လုံးတွင် တက်ကြွစွာ ပါဝင်ခဲ့သလို ကျောင်းသားများနှင့် ဝန်းရံပြည်သူများအပေါ် အကြမ်းဖက်ခြင်း၊ တရားမဲ့စွာ တရားစွဲဆိုနေခြင်းများအပေါ်  ပြင်းထန်စွာ ကန့်ကွက်ရှုတ်ချပါသည်။ တစ်နှစ်ပြည့်အခမ်းအနားသို့ လူ့ဘောင်သစ်ဒီမိုကရက်တစ်ပါတီမှ အထွေထွေအတွင်းရေးမှူး ဦးငွေလင်းနှင့် အတွင်းရေးမှူးအဖွဲ့ဝင်များ၊ ဗဟိုစည်းရုံးရေးကော်မတီဝင်များ၊ ပြည်ခရိုင်မှ ပါတီဝင်ရဲဘော်များ၊ ပြည်ခရိုင် လူ့ဘောင်သစ်လူငယ်များ စုံစုံညီညီဖြင့် အလေးထားစွာ တက်ရောက်ခဲ့ကြသည်။ စည်းလုံးညီညွတ်သောတိုင်းရင်းသားလူမျိုးများ မဟာမိတ်အဖွဲ့(UNA)အဖွဲ့ဝင်များ၊ ပညာရေးစနစ် ပြုပြင်ပြောင်းလဲရေး နိုင်ငံလုံးဆိုင်ရာကွန်ရက်(NNER) […]

ပညာရေးစနစ်ပြုပြင်ပြောင်းလဲရေး နိုင်ငံလုံးဆိုင်ရာကွန်ရက်(NNER) နှင့် စည်းလုံးညီညွတ်သော တိုင်းရင်းသားလူမျိုးများ မဟာမိတ်အဖွဲ့ (UNA)တို့၏ တွေ့ဆုံသည့်ပွဲကို ရှမ်းတိုင်းရင်းသားများ ဒီမိုကရေစီအဖွဲ့ချုပ်(SNLD)ရုံး၌ ၉-၃-၁၆ ရက်နေ့ နံနက်ပိုင်းက ကျင်းပပြုလုပ်ခဲ့ပါသည်။ တွေ့ဆုံပွဲတွင် ပါတီမှ ဒေါ်နှင်းနှင်းမွှေးတက်ရောက်ခဲ့ပါသည်။ပါတီသည် ပညာရေးစနစ်ပြုပြင်ပြောင်းလဲရေး နိုင်ငံလုံးဆိုင်ရာကွန်ရက်(NNER)ကို စတင်တည်ထောင်စဉ်မှပင် ယနေ့ထိတိုင် အဖွဲ့ဝင်အဖွဲ့အစည်းတရပ်အနေနှင့် အမျိုးသားပညာရေးမူဝါဒနှင့် အမျိုးသားပညာရေးဥပဒေတရပ် ပေါ်ပေါက်လာရေးအတွက် အားစိုက် ဆောင်ရွက်ခဲ့ပါသည်။ ယခုတွေ့ဆုံပွဲတွင် ဖယ်ဒရယ်စနစ်နှင့် ကိုက်ညီသော ပညာရေးစနစ်ဖြစ်ပေါ်လာရေး၊ ကျောင်းများ၏ စီမံခန့်ခွဲပိုင်ခွင့်နှင့် တိုင်းရင်းသား ဘာသာစကား သင်ကြားရေးစသည့်ကိစ္စရပ်များကို အပြန်အလှန် တင်ပြဆွေးနွေးခဲ့ကြပါသည်။ သတင္းဓါတ္ပံု

၂၀၁၆၊ မတ်လ ၅ ရက်နှင့် ၆ ရက်နေ့များတွင် မြန်မာ့နိုင်ငံရေးတွင် အမျိုးသမီးများ၏ အခန်းကဏ္ဍ အားကောင်းလာရေး နှစ်ရက်တာ ဆွေးနွေးပွဲတရပ်ကို နေပြည်တော်တွင် ကျင်းပခဲ့ပါသည်။ ၎င်းဆွေးနွေးပွဲကို Danish Institute for Parties and Democracy(DIPD) နှင့် ဖန်တီးအိမ်(Women Political Action- 2015)တို့ကပူးပေါင်းဆောင်ရွက်ကြခြင်း ဖြစ်သည်။ ထိုဆွေးနွေးပွဲသို့ နိုင်ငံရေးပါတီများနှင့် အရပ်ဖက်လူမှုအဖွဲ့အစည်းများ တက်ရောက်ခဲ့ကြပါသည်။ ဆွေးနွေးပွဲသို့ လူ့ဘောင်သစ်ဒီမိုကရက်တစ်ပါတီ ဥက္ကဋ္ဌ ဦးအောင်မိုးဇော်နှင့် ဗဟိုဦးဆောင်ကော်မတီဝင် ဒေါ်နိုးနိုးထက်စံတို့ တက်ရောက်ခဲ့ကြပါသည်။ ဆွေးနွေးပွဲ ဒုတိယမြောက်နေ့တွင် မြန်မာ့နိုင်ငံရေးတွင် အမျိုးသမီးများအားကောင်းလာစေရေးအတွက် ပါတီတွင်း တန်းတူရေး ဖော်ဆောင်နိုင်သည့် အခြေအနေများနှင့် နိုင်ငံရေးပတ်ဝန်းကျင်ရှိ အမျိုးသမီးများပါဝင်မှု အခြေအနေများကို လူ့ဘောင်သစ်ဒီမိုကရက်တစ်ပါတီဥက္ကဋ္ဌ ဦးအောင်မိုးဇော်က ဆွေးနွေးတင်ပြခဲ့ပါသည်။ ပါတီအနေဖြင့် ပါတီ၏နိုင်ငံရေးလှုပ်ရှားမှုများတွင်လည်းကောင်း၊ ပါတီ၏ […]

တောင်သူလယ်သမားရေးရာကိစ္စများဆိုင်ရာ ညှိနှိုင်းဆွေးနွေးပွဲတရပ်ကို ၁-၃-၁၆ ရက်နေ့က လူ့ဘောင်သစ်ဒီမိုကရက်တစ်ပါတီ ဌာနချုပ်ရုံး၌ ကျင်းပခဲ့ပါသည်။ ဆွေးနွေးပွဲသို့ စစ်ကိုင်းတိုင်း၊ မန္တလေးတိုင်း၊ မကွေးတိုင်း၊ ပဲခူးတိုင်း၊ ဧရာဝတီတိုင်းတို့တွင် တောင်သူလယ်သမားအရေး ဆောင်ရွက်နေကြသော ပါတီရဲဘော်များ၊ ပါတီဗဟိုဦးဆောင်ကော်မတီဝင်ရဲဘော်များ တက်ရောက်ခဲ့ကြပါသည်။ ပထမဦးစွာ ပါတီအထွေထွေအတွင်းရေးမှူး ဦးငွေလင်းက ညှိနှိုင်းဆွေးနွေးပွဲ၏ ရည်ရွယ်ချက်၊ တောင်သူလယ်သမားပြဿနာများနှင့် ပတ်သက်၍ ပါတီ၏ စဉ်းစားထားချက်များကို ရှင်လင်းတင်ပြခဲ့ပါသည်။ ဆက်လက်၍ တက်ရောက်လာသော ရဲဘော်များက ဒေသအလိုက် တောင်သူလယ်မားများ ရင်ဆိုင်ကြုံတွေ့နေရသော ပြဿနာများ၊ အခက်အခဲများနှင့် ဖြေရှင်းဆောင်ရွက်နေမှုဆိုင်ရာ အခြေအနေများကို တင်ပြခဲ့ကြပါသည်။ ထို့နောက် ၂၀၁၆ အတွင်း ပါတီမှဆောင်ရွက်သွားမည့် လုပ်ငန်းစဉ် (၁၁) ရပ်ကို ချမှတ်၍ တောင်သူလယ်သမားရေးရာကော်မတီ (ယာယီ)ကို ဖွဲ့စည်းခဲ့ပါသည်။ မန္တလေးတိုင်း၊ တံတားဦးမြို့နယ်မှ ဦးသန့်စင်ကို ကော်မတီ၏ တာဝန်ခံအဖြစ်လည်းကောင်း၊ […]