သခင်ဗဟိန်း နှစ်တစ်ရာပြည့်အထိမ်းအမှတ် အခမ်းအနားနှင့် အိုးဝေပညာဒါနကျောင်းဖွင့်ပွဲ ကျင်းပ

သခင်ဗဟိန်းနှစ်တစ်ရာပြည့်အထိမ်းအမှတ် အခမ်းအနားနှင့် အိုးဝေပညာဒါနကျောင်းဖွင့်ပွဲကို ၂၀၁၇ ဇွန်လ ၂၇ ရက်နေ့ နံနက်ပိုင်းက ပဲခူးတိုင်းဒေသကြီး၊ ပြည်မြို့၌ ကျင်းပပြုလုပ်ခဲ့ပါသည်။ အခမ်းအနားသို့ ဆရာကြီးသခင်ကိုယ်တော်မှိုင်းငြိမ်းချမ်းရေးကွန်ရက်၊ လူ့ဘောင်သစ်ဒီမိုကရက်တစ်ပါတီ အစရှိသည့် အဖွဲ့အစည်းများနှင့် နိုင်ငံရေးအကျဉ်းသားဟောင်းများ၊ သခင်ဗဟိန်းကို ချစ်ခင်လေးစားကြသူများ တက်ရောက်ခဲ့ကြပါသည်။ အခမ်းအနားတွင် လူ့ဘောင်သစ်ဒီမိုကရက်တစ်ပါတီဗဟိုစည်းရုံးရေးကော်မတီဝင် ဦးအောင်မြင့်စိန်က ဂုဏ်ပြုအမှတ်တရစကား ပြောကြားခဲ့ပါသည်။ သခင်ဗဟိန်းအမှတ်တရ ဂုဏ်ပြုကဗျာများကို ရွတ်ဆိုပြီး ပေးပို့လာသော သဝဏ်လွှာများကိုလည်း ဖတ်ကြားခဲဲ့ကြပါသည်။ လူ့ဘောင်သစ်ဒီမိုကရက်တစ်ပါတီမှ ပေးပို့သော သဝဏ်လွှာကို ရွှေတောင်မြို့နယ်ဥက္ကဋ္ဌ ဦးမိုးမင်းဦးက ဖတ်ကြားခဲ့ပါသည်။