Year: 2014

၁၉-၁၁-၂၀၁၄ ရက်နေ့ နေ့လည် ၁၂း၃၀ နာရီခန့်က မြန်မာ့တပ်မတော်က ပစ်ခတ်လိုက်သည့် လက်နက်ကြီးကျည်ကြောင့် ကချင် လွတ်လပ်ရေးတပ်မတော် (KIA) ဗိုလ်သင်တန်းကျောင်းမှ ကျောင်းသား၂၀ ဦး ပွဲချင်းပြီးကျဆုံးပြီး ၁၅ ဦး ထိခိုက်ဒဏ်ရာရရှိသွားကြသည်ဟု သိရှိ ရပါသည်။

ထိုဖြစ်ရပ်ကြောင့် နိုဝင်ဘာလ ၂၁ ရက်နေ့အထိ ကျဆုံးသွားသူ ဗိုလ်လောင်း သင်တန်းသားပေါင်း ၂၃ ဦး ရှိသွား ပြီး ပလောင်(တအာင်း) အမျိုးသားလွတ်မြောက်ရေးတပ်မတော်(TNLA) မှ ၁၁ ဦး ၊ ရခိုင်အမျိုးသားတပ်မတော် (AA) မှ ၈ ဦး၊ ချင်းအမျိုးသားတပ်ဦး(CNF) မှ ၂ ဦး ၊ ဗမာ နိုင်ငံလုံးဆိုင်ရာကျောင်းသားများဒီမိုကရက်တစ်တပ်ဦး(ABSDF) မှ ၂ ဦး တို့ ဖြစ် ကြောင်းကိုလည်း ကြားသိကြရပါသည်။ ကျဆုံးသွားသူ၊ ထိခိုက် ဒဏ်ရာရရှိသွားသူများအတွက် မိမိတို့ပါတီအနေဖြင့် ၎င်းတို့၏ မိသားစုများနှင့်ထပ်တူ၊ ဗိုလ်လောင်းသင်တန်းသားများ၏ မိခင်အဖွဲ့အစည်း များနှင့်ထပ်တူ များစွာ နှမြောတသ ကြေကွဲဝမ်းနည်း ဖြစ်ကြရပါသည်။

ခိုင်မာသောအပစ်အခတ်ရပ်စဲရေးနှင့် စစ်မှန်သောငြိမ်းချမ်းရေး တည်ဆောက်နိုင်ရန် ကြိုးပမ်းနေကြသည့်ကာလတွင် ယခုကဲ့သို့သော ဖြစ်ရပ် ဖြစ်ပွားသွားခြင်းသည် အပြန်အလှန်ယုံကြည်မှုတည်ဆောက်နေကြရသည့်ဖြစ်စဉ်ကို ထိခိုက်သွားစေနိုင်သဖြင့် မိမိတို့ပါတီက လွန်စွာ စိုးရိမ် မိပါသည်။

ဆောင်ရွက်နေဆဲ အမျိုးသားပြန်လည်သင့်မြတ်ရေး၊ အပစ်အခတ်ရပ်စဲရေး၊ စစ်မှန်သည့်ငြိမ်းချမ်းရေးတည် ဆောက်ရေးနှင့် အင်အားစု အားလုံးပါဝင်သည့် တွေ့ဆုံဆွေးနွေးအဖြေရှာရေးဆိုင်ရာ လုပ်ငန်းစဉ်များကို ထိခိုက်မှုမရှိစေရန်အတွက် တာဝန်ရှိသူအဆင့်ဆင့်မှ ဤ၀မ်းနည်းဖွယ် ဖြစ်ရပ်နှင့်ပတ်သက်၍ ပေါ့ပေါ့တန်တန်သဘောမထားဘဲ မှန်မှန်ကန်ကန် ဖြေရှင်းပေးရန် လိုအပ်သည်ဟု မိမိ တို့ပါတီက ရှုမြင်ပါသည်။

အမျိုးသားတန်းတူရေးနှင့်ကိုယ်ပိုင်ပြဌာန်းခွင့်ကို အပြည့်အ၀အာမခံသည့် ဒီမိုကရက်တစ်ဖက်ဒရယ်ပြည်ထောင်စုကြီး တည်ဆောက် လိုကြသော လူမျိုးစုံပြည်သူလူထုကြီး၏ ပြင်းပြထက်သန်သည့်ဆန္ဒသဘောထားများကို အလေးအစားထားသောအားဖြင့် ဤဖြစ်ရပ်အပေါ် ပြည်ထောင်စု အစိုးရနှင့်မြန်မာ့တပ်မတော်၏ တာဝန်ရှိသူအဆင့်ဆင့်က ထိရောက်ပြည့်စုံစွာ တာဝန်ယူမှုရှိစွာ ဖြေရှင်းပေးကြပါရန် မိမိတို့ပါတီက အလေးအနက် တိုက်တွန်းလိုက်ပါသည်။

ဗဟိုစည်းရုံးရေးကော်မတီ
လူ့ဘောင်သစ်ဒီမိုကရက်တစ်ပါတီ (ဌာနချုပ်)
၂၀၁၄ခုနှစ်၊ နိုဝင်ဘာလ ၂၂ ရက်။

Continue Reading

ပါတီ၏အလံတော်အောက်တွင် စတင် စုစည်းကြပါရန် လေးနက်တည်ကြည်စွာဖြင့် ဖိတ်ခေါ်အပ်ပါသည်။

၂၀၁၄ ခုနှစ်၊ အောက်တိုဘာလ ၂၄ ရက်နေ့တွင် ပြည်ထောင်စုရွေးကောက်ပွဲကော်မရှင်မှ မိမိတို့ လူ့ဘောင်သစ်ဒီမိုကရက်တစ်ပါတီအား မှတ်ပုံတင်အမှတ်စဉ် (၇၇) ဖြင့် မှတ်ပုံတင်ခွင့် ပြုခဲ့ပါသည်။

နှစ်ပေါင်း (၂၆)နှစ်ကျော်အတွင်း မိမိတို့ပါတီသည် ဥပဒေတွင်းနိုင်ငံရေးပါတီဘ၀ဖြင့် (၃) နှစ်သာနေခဲ့ကြရပြီး ကျန်နှစ်များကို ဖျက်သိမ်းခံ (သို့မဟုတ်) ဥပဒေပ နိုင်ငံရေးပါတီဘ၀ဖြင့် အကျဉ်းထောင်များအတွင်း၊ တောတောင်များ အတွင်း၊ နယ်စပ်ဒေသများနှင့် နိုင်ငံတကာတို့တွင် သဏ္ဍာန်အမျိုးမျိုးဖြင့် ဖြတ်သန်းခဲ့ကြရပါသည်။ ယခုအချိန်တွင် တရားဝင်နိုင်ငံရေးပါတီတရပ်အဖြစ် ပြည်တွင်းတွင်၊ လူထုကြားတွင် ပြန်လည်ရပ်တည်နိုင်ပြီ ဖြစ်သည်။

ဖြတ်သန်းခဲ့ရမှုအသီးသီးတွင် အသက်သွေးချွေးနှင့် ဘ၀တို့ ရင်းနှီးပေးဆပ်ခဲ့ကြသော ပါတီဝင် ရဲဘော်ရဲဘက် အသီးသီးတို့အား အလေးပြု၊ဦးညွတ်ပါကြောင်း ဦးစွာဖေါ်ပြလိုပါသည်။ တပြိုင်နက်တည်းတွင် ယနေ့နိုင်ငံရေး အခြေအနေများနှင့် ပတ်သက်၍လည်းကောင်း၊ ပါတီ၏ လတ်တလောနိုင်ငံရေးလုပ်ငန်းစဉ်များနှင့် ပတ်သက်၍ လည်းကောင်း မိမိတို့၏အခြေခံအမြင်များကို ပြည်သူလူထုနှင့် မဟာမိတ်အင်အားစုများအား အောက်ပါအတိုင်း တင်ပြ အပ်ပါသည်။

လက်ရှိနိုင်ငံရေးအခြေအနေများနှင့် ပတ်သက်၍ –

၂၀၁၀ ခုနှစ် အထွေထွေရွေးကောက်ပွဲအပြီး စတင်ခဲ့သော နိုင်ငံရေးဆိုင်ရာ အပြောင်းအလဲတချို့သည် ယခုအခါ ပြည်သူလူထုအတွင်းယုံကြည်မှု ကျဆင်းလျက်ရှိသည်။ လယ်သိမ်းယာသိမ်းကိစ္စရပ်များနှင့် လယ်သမားများ ဖမ်းဆီးခံနေရမှုများ၊ မဖြူနှင်းထွေးကဲ့သို့သော တက်ကြွလှုပ်ရှားသူများ ဖမ်းဆီးခံခဲ့ရမှုများ၊ ဘာသာရေးလူမျိုးရေးဆိုင် ရာပဋိပက္ခများ၊ ကိုအောင်ကျော်နိုင် (ခေါ်) ကိုပါကြီးကဲ့သို့သောသတင်းထောက်များ ဖမ်းဆီးခံရမှု၊ သတ်ဖြတ်ခံရမှုများ၊ ပြည်တွင်းငြိမ်းချမ်းရေးဆွေးနွေးမှု ရပ်တံ့နေလျက် တိုက်ပွဲများဆက်လက်ဖြစ်ပွားနေမှုများ၊ ပုဒ်မ ၄၃၆ ပြင်ဆင်ရေးအား ငြင်းဆိုနေမှုများ၊အမျိုးသားကာကွယ်ရေးနှင့် လုံခြုံရေးကောင်စီ၏လုပ်ပိုင်ခွင့်ကို တိုးမြှင့်တောင်းခံနေမှုများက ယနေ့ အပြောင်းအလဲဖြစ်စဉ်ကို နောက်သို့ပြန်လှည့်နေသည့် လက္ခဏာများဖြစ်နေပြီး ပြည်သူလူထုအတွင်း စိုးရိမ်သောက များကို ဖြစ်ပေါ်စေလျက် ယနေ့အပြောင်းအလဲဖြစ်စဉ်အားလည်းကောင်း၊ အပြောင်းအလဲဖြစ်စဉ်ကို ဦးဆောင်နေသူ များအားလည်းကောင်း ပြည်သူလူထုအနေဖြင့် ယုံကြည်မှုကျဆင်းလျက် ရှိပါသည်။

တိုင်းပြည်၏ဒီမိုကရေစီပြုပြင်ပြောင်းလဲမှု အရှိန်အဟုန်ဖြင့် တိုးတက်နေစေရန် ငြိမ်းချမ်းတည်ငြိမ်မှုသည် အခရာကျသည်ဟု အလေးအနက်ယုံကြည်သည့်အလျောက် မိမိတို့ပါတီသည် ပြည်ထောင်စုအစိုးရနှင့် လက်နက်ကိုင် တိုင်းရင်းသားတော်လှန်ရေးအင်အားစုများ၏ အပစ်အခတ်ရပ်စဲရေးဆွေးနွေးမှုများနှင့် နိုင်ငံရေးတွေ့ဆုံဆွေးနွေးမှု ဖြစ် ပေါ်ရေးကြိုးပမ်းမှုများအား ကြိုဆိုပါသည်။ သို့သော် ထိုသို့ ကြိုးပမ်းမှုများနှင့် လုံလောက်သည်ဟု မိမိတို့ပါတီအနေဖြင့် မယူဆပါ။ ဤဖြစ်စဉ်ကြီးအတွင်းမှာ ဒေါ်အောင်ဆန်းစုကြည်ပါဝင်ရန်၊ ပြည်ထောင်စုအစိုးရအနေဖြင့် ဒေါ်အောင်ဆန်း စုကြည်နှင့်ပါ ကနဦးတွေ့ဆုံဆွေးနွေးမှုများပြုလုပ်ရန် လိုအပ်နေသည်ဟု မိမိတို့ပါတီက တင်ပြလိုပါသည်။

သို့မှသာ ပြည်သူလူထု၏ ယုံကြည်မှုကို ပြန်လည်မြှင့်တင်နိုင်မည်ဖြစ်ပြီး ပြုပြင်ပြောင်းလဲရေးဖြစ်စဉ်ကိုလည်း ရှေ့သို့ ဆက်လက်သယ်ဆောင်နိုင်မည် ဖြစ်သည်။

ပါတီ၏ လတ်တလောနိုင်ငံရေးလုပ်ငန်းစဉ်အချို့နှင့် ပတ်သက်၍ –

၁။ (က) တိုင်းပြည်၏ ၇၀% ကျော်သော ပြည်သူများသည် ကျေးလက်နေပြည်သူများဖြစ်ပြီး ၎င်းတို့အနက် အများစုကြီးဖြစ်သည့် လုပ်ကွက်ငယ်လယ်သမားများနှင့် လယ်မဲ့ယာမဲ့များ ဆင်းရဲတွင်းဘ၀မှ လွတ်မြောက်ရေး၊၎င်းတို့ ၏ဘ၀ ရှင်သန်တိုးတက်ရေးတို့သည် တိုင်းပြည်၏ ရေရှည်တည်တံ့ခိုင်မြဲသည့် ဖွံ့ဖြိုးတိုးတက်ရေးနှင့် တိုက်ရိုက် ချိတ် ဆက်လျက်ရှိသည်ဟု မိမိတို့ပါတီက ယုံကြည်ပါသည်။ ထို့ကြောင့် လုပ်ကွက်ငယ်လယ်သမားများနှင့် လယ်မဲ့ယာမဲ့ များအား အခိုင်အမာကာကွယ်မြှင့်တင်နိုင်သည့်၊မိရိုးဖလာယဉ်ကျေးမှုထုံးတန်းအစဉ်အလာများအရ မြေယာအသုံး ချနေမှုများအား ကာကွယ်မြှင့်တင်ပေးနိုင်သည့် မြေယာမူဝါဒပေါ်ထွန်းရေးနှင့် ယင်းမြေယာမူဝါဒအား ဖွဲ့စည်းပုံအခြေခံ ဥပဒေအရ အကာအကွယ်ပေးရေးတို့ကို အလေးထား၍ ဆောင်ရွက်သွားမည်။

(ခ) ထို့အပြင် လက်တွေ့လုပ်ငန်းများအား ဆောင်ရွက်ရာတွင် လယ်သမားတို့သည် ၎င်းတို့၏အခွင့်အရေး အား ၎င်းတို့ဘာသာတောင်းဆိုနိုင်သော၊ ၎င်းတို့၏ဘ၀အား ၎င်းတို့ဘာသာဖန်တီးနိုင်သော နိုင်ငံရေးအခြေအနေနှင့် ၀န်းကျင် လိုအပ်သည်ဟု မိမိတို့ပါတီက ယုံကြည်ပါသည်။ မိမိတို့ပါတီအနေဖြင့် လွတ်လပ်သောလယ်သမားသမဂ္ဂများ၊ လယ်သမားအရေးတက်ကြွဆောင်ရွက်သူများနှင့် ခိုင်ခိုင်မာမာလက်တွဲဆောင်ရွက်နိုင်ရေးအား ကြိုးပမ်းအားထုတ်သွား မည်။

၂။ အလုပ်သမားများအတွက် အနိမ့်ဆုံးလုပ်ခလစာသတ်မှတ်နိုင်ရေး၊ လုပ်ငန်းခွင်လုံခြုံရေးနှင့်သာယာရေး၊ အလုပ် သမားထု၏ လူမှုဖူလုံရေးအာမခံချက်ရရှိရေး၊ အလုပ်အာမခံချက်ရှိရေးဆိုင်ရာ မူဝါဒများ အခိုင်အမာ ပေါ် ပေါက်လာရန်လိုအပ်သည်ဟု မိမိတို့ပါတီက ယုံကြည်သည်။ ထိုကိစ္စများအတွက် ပါတီအနေဖြင့်လည်းကောင်း၊ အလုပ် သမားသမဂ္ဂများ၊ အလုပ်သမားအရေးတက်ကြွဆောင်ရွက်သူများနှင့် လက်တွဲ၍လည်းကောင်း ကြိုးပမ်းဆောင်ရွက် သွားမည်။

၃။ (က) ဒီမိုကရေစီတည်ဆောက်ရေးဖြစ်စဉ်၌ ပညာရေးသည် အခြေခံလိုအပ်ချက်ကြီးတရပ်ဖြစ်သည့် အတွက် စာသင်ခန်းပြင်ပတွင် ရောက်ရှိနေသောကလေးသူငယ်များ စာတတ်မြောက်ရေးနှင့် ပညာဆက်လက်ဆည်းပူး နိုင်ရေးတို့အား တိုင်းပြည်၏ အရေးကြီးလုပ်ငန်းစဉ်တခုအဖြစ် မိမိတို့ပါတီက သဘောထားသည်။

(ခ) အလုပ်လက်မဲ့လူငယ်အများစုအတွက် အသက်မွေးဝမ်းကြောင်းပညာရပ်များ သင်ကြားပေးရေးသည် အလုပ်လက်မဲ့လျှော့ချရေးနှင့် ဆင်းရဲတွင်းမှ ရုန်းထွက်နိုင်ရေးအတွက် တိုင်းပြည်၏အရေးတကြီးလုပ်ငန်းစဉ်တရပ် ဖြစ် သည်ဟု မိမိတို့ပါတီက သဘောထားသည်။

(ဂ) တိုင်းပြည်၏ ပညာရေးအား မြှင့်တင်ရာတွင် ဆရာ/ဆရာမများ၊ ပညာရေးဝန်ထမ်းများသည် အခြေခံ ကျသည့်အလျောက် ဆရာ/ဆရာမများ၊ ပညာရေးဝန်ထမ်းများ၏ စားဝတ်နေမှု လုံလောက်စေရေးသည် တိုင်းပြည်မှ အာရုံစိုက် လုပ်ဆောင်ရမည့်လုပ်ငန်းစဉ်တရပ် ဖြစ်သည်ဟု မိမိတို့ပါတီက သဘောထားသည်။

(ဃ) ပညာရေးနယ်ပယ်တွင် ဗဟိုချုပ်ကိုင်မှုကို လုံးဝလျှော့ချရမည် ဖြစ်သည်။ နိုင်ငံတော်အနေဖြင့် အခြေခံ ပညာရေးအဆင့်အား အပြည့်အ၀ တာဝန်ယူရေးကို ဦးတည်ကြိုးပမ်းရမည်။

(င) လွတ်လပ်သည့် ကျောင်းသားသမဂ္ဂများပေါ်ထွန်းရေးသည် ကျောင်းသားထု၏ ပညာရေးဘ၀ တိုးတက် ဖွံ့ဖြိုးစေရေအတွက် အခြေခံအကျဆုံးဖြစ်သည်ဟု မိမိတို့ပါတီက ယုံကြည်သည်။

၎။ စီးပွားရေးနယ်ပယ်တွင် လွတ်လပ်၍ တရားမျှတစွာယှဉ်ပြိုင်နိုင်သည့်ဝန်းကျင်တရပ် အခိုင်အမာ ဖန်တီး ပေးရန်လိုအပ်သည်။ အငယ်စားနှင့် အလတ်စားစီးပွားရေးလုပ်ငန်းရှင်များပေါ်ထွန်းလာနိုင်ရေးအတွက် တိုင်းပြည်မှ အာရုံစိုက်ရန် လိုအပ်ည်။ တပြိုင်နက်တည်းတွင် တိုးတက်သည့် အခွန်စနစ်(Progressive Taxation)အား ပြဌာန်းပြီး အတိအကျ ဆောင်ရွက်ရမည်ဖြစ်သည်။

၅။ ဒီမိုကရေစီ ပြုပြင်ပြောင်းလဲမှုဖြစ်စဉ်အား ပြည်သူလူထုမှ ယုံကြည်လာစေရန်၊ ပူးပေါင်းဆောင်ရွက်လာစေ ရန် အစိုးရဌာနအသီးသီး၏ဗဟိုချုပ်ကိုင်မှုအား လျှော့ချရမည်။ ပြည်ထောင်စုအဆင့်မှ ရပ်ကွက်ကျေးရွာအဆင့်အထိ အုပ်ချုပ်ရေးအဆင့်ဆင့်အား ပြည်သူလူထုက တိုက်ရိုက်ရွေးချယ်ရမည်ဟု မိမိတို့ပါတီက ယုံကြည်သည်။ ထိုသို့ ဖြစ် ပေါ်ရန် တောင်းဆိုဆောင်ရွက်သွားမည်။

ငြိမ်းချမ်းရေးတည်ဆောက်ရေးနှင့် ဖွဲ့စည်းပုံအခြေခံဥပဒေပြုပြင်ပြောင်းလဲရေးတို့နှင့် ပတ်သက်၍ –

ဖွဲ့စည်းပုံအခြေခံဥပဒေပြောင်းလဲရေးအတွက် လွှတ်တော်တွင်းတွင်လည်း လွှတ်တော်တွင်းသဏ္ဍာန်များဖြင့် ဆောင်ရွက် နေကြသည်ကို တွေ့ရှိရပါသည်။ ပြင်ကိုပြင်မှရမည်ဆိုသည့်အချက်ကို အခြေခံအားဖြင့် လွှတ်တော်အပါ အ၀င် အားလုံးက လက်ခံထားကြပြီဖြစ်သည်ဟု သုံးသပ်မိပါသည်။

မိမိတို့ပါတီအနေဖြင့် တွေ့ဆုံဆွေးနွေးမှုဖြစ်စဉ်မှသာလျှင် ဖွဲ့စည်းပုံအခြေခံဥပဒေပြုပြင်ပြောင်းလဲရေးအား ပြည့်စုံလုံလောက်အောင် ဆောင်ရွက်နိုင်လိမ့်မည်ဟု ယုံကြည်ပါသည်။ ၎င်းဖြစ်စဉ်မှသာလျှင် အမျိုးသားပြန်လည်သင့် မြတ်ရေးနှင့် ပြည်တွင်းငြိမ်းချမ်း ရေးကိုဖေါ်ဆောင်နိုင်ပေလိမ့်မည်။ တိုင်းပြည်၏ အနာဂတ်နိုင်ငံရေးလမ်းကြောင်းမှန်ကို လည်း ချမှတ်နိုင်ပေမည်။ အမျိုးသားတန်းတူရေးနှင့် ကိုယ်ပိုင်ပြဌာန်းခွင့်ကိုအပြည့်အ၀အာမခံသည့်၊ ဒီမိုကရေစီကို အပြည့် အ၀အာမခံသည့် ဖွဲ့စည်းပုံအခြေခံဥပဒေကိုလည်း ပြဌာန်းနိုင်လိမ့်မည်ဟု မိမိတို့ပါတီက ယုံကြည်ပါသည်။ လွှတ်တော်တွင်းလှုပ်ရှားမှုများနှင့် တွေ့ဆုံဆွေးနွေးမှုဖြစ်စဉ်ကို ဆက်စပ်ဆောင်ရွက်ကြရလိမ့်မည်ဟု ယူဆပါသည်။ ပါတီအနေဖြင့် ဤဖြစ်စဉ်အတွင်း အဆင့်တိုင်းတွင် ပါဝင်နိုင်ရေးအတွက် ဆောင်ရွက် ကြိုးပမ်းသွားမည်။

အားကောင်းသည့် နိုင်ငံရေးပါတီတရပ်အဖြစ် တည်ဆောက်ရေးနှင့် ပတ်သက်၍ –

ဒီမိုကရက်တစ်လူ့အဖွဲ့အစည်းတရပ် တည်ဆောက်ရေးတွင် ပြည်သူလူထု၏အကျိုးကို တည့်တည့်မတ်မတ် ကြည့်၍ဆောင်ရွက်သော ကျန်းမာသန်းစွမ်းသည့် နိုင်ငံရေးပါတီစနစ်နှင့် နိုင်ငံရေးပါတီများတည်ဆောက်ရန် လိုအပ် သည်ဟု မိမိတို့ပါတီက အခိုင်အမာယုံကြည်သည်။

လူ့ဘောင်သစ်ဒီမိုကရက်တစ်ပါတီသည် ပြည်သူလူထုကို အမှန်တကယ်အလုပ်အကျွေးပြုနိုင်စွမ်းရှိသည့် နိုင်ငံရေးပါတီတရပ် ဖြစ်စေရန် ကြိုးပမ်းတည်ဆောက်သွားမည်။

ထိုသို့ ကြိုးပမ်းဆောင်ရွက်ရာတွင် ပါတီရဲဘော်များ၊ ပါတီရဲဘော်ဟောင်းများ၊ ပါတီလိုလားသူများအားလုံး အား ပါတီ၏အလံတော်အောက်တွင် စတင် စုစည်းကြပါရန် လေးနက်တည်ကြည်စွာဖြင့် ဖိတ်ခေါ်အပ်ပါသည်။

” ပြည်သူသာအမိ၊ ပြည်သူသာအဖ” ဆောင်ပုဒ်ကို ကိုင်စွဲဆောင်ရွက်ကြ။

ဗဟိုစည်းရုံးရေးကော်မတီ
လူ့ဘောင်သစ်ဒီမိုကရက်တစ်ပါတီ(ဌာနချုပ်)
၂၀၁၄ခုနှစ် အောက်တိုဘာလ ၃၁ ရက်။

Continue Reading